Семинар-вохурӣ ҷиҳати таъмини иҷрои Нақша- чорабиниҳо вобаста ба Паёми Президенти Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ва аҳамияти нуқтаҳои ассосии паём,  ки 28 декабри соли 2024 ба Маҷлиси Олӣ ироа гардид, инчунин, иҷрои бандҳои дахлдори Нақша чорабиниҳои Вазорат оид ба тадбиқи Созишномаи генералии байни Ҳукумати Ҷумҳурии Тоҷикистон, Федератсияи иттифоқҳои касабаи мустақили Тоҷикистон ва Иттиҳодияи корфармоёни Ҷумҳурии Тоҷикистон барои солҳои 2024–2026, ки бо фармоиши Вазир аз 20 майи соли 2024, №55 ба тасдиқ гардидааст ва танзими муносибатҳои меҳнатӣ ва дигар муносибатхои бевосита ба онхо алокаманд, ки барои ҳифзи ҳуқуқҳои тарафҳои муносибатҳои меҳнатӣ, муқаррар намудани кафолатҳои камтарини ҳуқуқ ва озодиҳо дар соҳаи меҳнат равона гардидааст, баргузор гардид.

Аз ҷониби Сардори Хадамот вобаста ба Паёми Президенти Ҷумҳурии Тоҷикистон ва соли маърифати ҳуқуқи эълон гардидани соли 2024, ки аз Паёми пешвои миллат бармеояд, аҳамияти махсус дода шуд. Сардори Хадамот таъкид намудаад, ки маҳфуми  маърифати ҳуқуқӣ донистани муқаррароти Қонуни асосии мамлакат – Коститутсияи Ҷумҳурии Тоҷикистон, донистани ҳуқуқҳои худ, риоя ва арҷгузорӣ ба  ҳуқуқҳои дигарон, риояи ҳатмии талаботи қонунгузории ҷумҳурӣ, доштани маҳорату малакаи корӣ, донишу таҷриба,  татбиқи муқаррароти қонунгузории амалкунанда, фаъолияти самараноки мақомоти ҳифзи ҳуқуқро дар бар гирифта, дар шакли маҳорату малака, донишу таҷриба, эътиқоду риоя, меъёр ва муносибатҳои аз ҷониби ҷомеа пазируфташуда, инчунин дар алоқамандӣ бо ҳисси худшиносию худогоҳӣ  эҷод мегардад.

Дар вақти вохури ҳамзамон сардори Хадамот қайд намуданд, ки самти асосии сиёсати ҳуқуқии Ҷумҳурии Тоҷикистон ба коҳиш додани таъсирҳои номатлуби ҷаҳонишавии ҳадафҳои геоплитикидошта, муқовимат бо ҳаргуна хатару таҳдидҳои замони муосир аз қабили тероризм, экстремизм, равияҳои гуногуни экстремистӣ, ва дар ин замина ҳифз намудани фазои иттилоотии ҷумҳурии азизамон аз  ҳамагуна хатарҳои тавассути технологияҳои муосир ва шабббакаҳои интернетӣ паҳншаванда, дар ин радиф инчунин ба баланд бардоштани сатҳи некуаҳволии шаҳрвандони ҷумҳурӣ  равона гардида, аз ҳидоятҳои роҳбари давлат ва фаъолияти пурсамари Ҳукумати Ҷумҳурии Тоҷикистон сарчашма мегирад.

Дар семинари мазкур, намояндагони корхонаву муассисаҳои ҷумҳурӣ ва як қатор ташкилоту корхонаҳои дигар суханронӣ намуда, ба саволҳои худ аз ҷумла: танзими муносибатҳои меҳнатӣ ва дигар муносибатхои бевосита ба онхо алокаманд, ки барои ҳифзи ҳуқуқҳои тарафҳои муносибатҳои меҳнатӣ, муқаррар намудани кафолатҳои камтарини ҳуқуқ ва озодиҳо дар соҳаи меҳнат оид ба пардохти музди меҳнати иловагӣ, вақти корӣ, изофакорӣ, рухсатии меҳнатии иловагӣ, рухсатии ҳомиладорӣ ва тавалуд ва дигар ҳолатҳое, ки ба мунсибатҳои меҳнатӣ алоқамандӣ доштанд, аз ҷониби кормандони Хадамот посухҳои мушаххас ва қонеъкунанда гирифтанд.

Дар фарҷоми семинар масъалаҳои батанзимдарории муносибатҳои меҳнатӣ ҳангоми қабул ба кор, моҳияти бастани шартномаи меҳнатӣ, моҳияти бастани созишнома ва шартномаҳои  коллективӣ, расмиёти бо қонунгузорӣ муқарраршудаи қабул ба кор, тартиби амалӣ намудани рухсатиҳои меҳнатӣ ва рухсатиҳои давраи ҳомиладорӣ ва таваллуд, баинобатгирии вақти кории кормандон, тартиби пардохти рухсатиҳои меҳнатӣ, тартиби пардохт ва муқаррар намудани  иловапулиҳо бари кор дар шароити зарарнок ва хатарноки меҳнат, таъмини бехатарӣ ва ҳифзи меҳнати кормандон, риояи стандатҳои муқаррарнамудаи қонунгузорӣ, аҳамияти қонунигардониии муносибатҳои меҳнатӣ, пурра бартараф намудани шуғли ғайрирасмӣ таъмини ҳуқуқу уҳдадориҳои корфармо ва кормандон ва дигар масъалаҳои марбут ба муносибатҳои меҳнатӣ мавриди муҳокима қарор дода шуд.

Семинари мазкур дар доираи саволу ҷавобҳои сершумор дар мавзӯъҳои дар болозикргардида  ҷараён гирифта, ҳозирин бо як ҳисси қаноъатмандӣ изҳори қаноъатмандӣ намуданд. Аз ҷараёни суҳбат ва доир гардидани муҳокимарониҳо муайян гардид, ки гузаронидани чунин семинарҳо аз манфиат холӣ набуда, мунтазам ва дар доираи васеътари иштирокчиёни намояндагони ташкилоту корхонаҳо гузаронидани чорабиниҳои мазкур аз манфиат холи нест.

Хадамоти назорати давлатӣ дар соҳаи меҳнат, муҳоҷират ва шуғли аҳолӣ барои амалӣ намудани талаботи муқаррарнамудаи қонунгузорӣ ва татбиқи муқаррароти дигар санадҳои меъёрии ҳуқуқии соҳа, иттилоотонии шаҳрвандони ба шуғл фарогирифташуда, пешгирӣ ва коҳиш додани сатҳи қонунвайронкуниҳо дар ин самт,  баргузор намудани чунин семинарҳоро идома дода, омодагии худро барои ҳамкорӣ, мусоидат ва додани тавсияҳои методӣ дар амалӣ намудани талаботи қонунгузорӣ дар ташкилоту муассисаҳои ҳудуди ҷумҳурӣ кушиш ба харҷ медиҳад.

Хадамоти назорати давлатӣ дар соҳаи меҳнат,

муҳоҷират ва шуғли аҳолӣ